datt í hug að smella hérna inn spjalli þar sem "reyndari" bifhjólamenn geta kannski miðlað af viskubrunni sínum, hvað ber að varast, hvað á að gera í vissum aðstæðum osfrv.

er ekki ágætt að byrja á að vara við brunnlokum og gangbrautum..

Ef þið sjáið brunnlok í götu, sveigið fram hjá því, því í bleytu getur það verið mjög sleipt, og einnig getur hreinlega vantað lokið í brunninn.. og ekki treysta á að borgarstarfmenn stökkvi til á 2 mín ef það gerist, það hafa nokkur hjól lent í brunnum sem vantað hefur lokið á og stórskemmst..

Með gangbrautir, reynið að aka ekki á hvítu línurnar, sér í lagi í bleytu. Þessar fávitalínur verða eins og skautasvell þegar þær blotna og hafa mjög margir bifhjólamenn dottið á gangbrautum.

Svo er eitt sem þarf að minnast á, það er að þegar ekið er úti á landi í miklu roki, þ.e. hliðarvindi keyrir maður þannig ósjálfrátt að maður leggur hjólið upp í vindinn, þetta er að sjálfsögðu það eina sem maður getur gert en ATHUGIÐ að þegar þið komið að t.d. brú, að þá hættir vindurinn að styðja við ykkur og þið getið tekið ansi snögga beygju þegar vindurinn hættir að halda við.. það hefur orið allavega eitt banaslys hér á íslandi vegna þessa.. sama á við þegar þið mætið mjög stórum flutningabílum eða rútum. eruð kannski með hliðarvind frá vinstri, leggið hjólið í vindinn og svo kemur rúta sem eitt augnablik tekur vindinn af ykkur og hoila.. þið beygjið í einu hendinskasti á vinstri akreinina.. og jafnvel á rútuna.