Heitir knastásar og stilling á knastásum.

Knastás er stöng sem tímastillir opnun og lekun ventla í vélinni. Þarna er oftast hægt að gera mikið, með réttum knastásum má breyta aflsviði véla mikið, til dæmis má fá knastása sem gefa mikið tog á lágum snúning, eitthvað sem hentar vel fyrir jeppa, sem og knastása sem gefa mikin kraft á háum snúning, sem flestir vilja í götukappakstur og þess háttar akstur. Ég ætla að geyma mér að skrifa nákvæmar tæknilegar útskýringar á knastásum þar til síðar, en það eru þó nokkur atriði sem vert er að minnast á.
Ef ákvörðun er tekin um að fá sér nýjan knastás þá þarf að passa vel að skoða vel hvað er í boði, flestir ef ekki allir knastásframleiðendur bjóða upp á mjög ítarlegar lýsingar á knastásunum sínum, skoðaðu þessar lýsingar þeirra vel, og ef það er eitthvað sem þú skilur ekki spurðu þá fagmann, það er nóg af þeim hérna á skerinu. Ekki velja þér knastás sem er gerður fyrir breytta vél, nema þá að sjálfsögðu að þú sért með breytta vél, það er boðið upp á knastása sem eru hannaðir fyrir óbreyttar vélar og þú getur lesið nákvæmlega hvað þessi knastás mun gera fyrir vélina þína, veldu það sem þú ert hrifnastur af. Þó þú sért með opið púst eða opna loftsíu þá hefur það engin áhrif á þetta val, veldu samt knastás fyrir óbreytta vél. Til að mynda gefa góðir knastásar Hondu Acura í kringum 30 hestöfl. En það má ekki gleyma því að krafturinn eykst á næstum öllum snúning.
Þegar vélar eru framleiddar þá eru þær reiknaðar út af sérfræðingum sem vita vel hvað þeir eru að gera, það er ekkert tilviljunum háð í hönnun véla í dag, en þó að flestir hönnuðir vildu helst skila frá sér vél sem er á mörkum þess að vera keyranleg og fá þá í staðinn eins mikinn kraft úr vélinni og mögulegt er þá er það ekki mjög söluvænt, fáir myndi sætta sig við 20.000 kílómetra endingu á nýja bílnum sínum, en samt er sumum sama, og það eru þeir einstaklingar sem eru óhræddir við að gera breytingar á hjólunum sínum. Það eru næstum undantekningarlaust mjög góðir og vel útreiknaðir knastásar í nýjum hjólum í dag, en það er þó ekki þar með sagt að ekki sé hægt að gera betur, eða kannski væri betra að segja “meira”. Því að þegar vél er hönnuð þá er knastásinn að sjálfsögðu hannaður með nákvæmlega þessa vél í huga, og hannaður í samræmi við það, þ.e. fá sem mestan kraft, bestu kælingu, minnstu eyðslu og allt það, en svo þegar vélin er framleidd þá er knastásinn oftast stilltur örlítið til baka, vanstilltur má segja, og af hverju er það gert? Jú, til að auka á endingu vélarinnar. Það er hægt í flestum tilfellum að stilla knastásinn aftur eins og hann var upphaflega hannaður til að vera, það krefst fagmanns að gera þetta en kraftaukning getur verið umtalsverð. Það er ekki ólíklegt að 4 strokka 1300cc vél með 2 knastásum geti náð sér í 20-30 hestöfl við að stilla upprunalegu knastásana rétt inn. Þeir sem eru í amerísku drekunum þekkja þessa aðgerð vel, og vita líka hvað þessi stilling er mikilvæg. Það er þó hægt að velja tvennskonar stillingar, annars vegar fyrir háan snúning, og hinsvegar fyrir alhliða akstur, margir freistast til að velja hásnúnings stillinguna en ég myndi mæla með að knastásar séu stilltir með alhliða akstur í huga.

Það er ekki ólíklegt að vanur maður sé kannski 10-20 tíma að stilla inn knastása í twin-cam japönsku hjóli, það eru talsverðar upplýsingar sem þurfa að vera fyrir hendi um vélina áður en þetta er gert, en það er örugglega hægt að finna þær flestar á netinu í dag.
Þetta þýðir að þessi 20-30 hestöfl geta kostað þig allt upp í 80.000 krónur, eða í kringum 3000 krónur á hestaflið. Það verður þó að hafa í huga að þetta getur tekið mun lengri tíma en ég stakk upp á hér að ofan. En þetta er aðgerð sem ég persónulega myndi mæla með ef þú ert að velta fyrir þér meiri krafti.

Ef þú ert aftur á móti að velta fyrir þér að skipta knastásunum út, þá má reikna með að 2 knastásar kosti þig um 80.000 krónur, og ísetning og stilling kostar það sama og að ofan, eða aðrar 80.000 krónur, sem gera í allt 160.000 krónur, margir myndu telja að 5300 kall fyrir hestaflið sé ekki mikið, og í þessu tilviki er ég sammála því.
kv. gulag

Er engin auka aukning við að setja heita ása í?



Spyr sá sem ekki veit

ég er þarna að tala um bara 4 cyl 1300 mótor, mótórar eru bara mótórar, alveg sama í hvað tæki þeir fara. og nei, ég er ekki að tala um út í dekk hestöfl, enda væri það ansi mikil alhæfa þar sem mjög breytilegt er í hvaða tæki vélin er í, jafnvel í tækjum sem hafa engin dekk !!! (báta) erfitt að mæla hestöfl út í dekk á bát ekki satt?

að kaupa aftermarket knastása er engin trygging fyrir því að þeir gefi þér fleiri hestöfl, í sumum tilfellum gefa þeir þér færri hestöfl en orginal,, það er ekki bara einn aftermarket knasást, ríkis-knastásinn.. t.d. er oftast allt öðruvísi knastás í jeppa og í kvartmílubíl, en báðir geta verið aftermarket.

Varðandi hestaflabekki veit ég ekkert um og ætla því ekkert að tjá mig um þá. Aftur á móti hefur mér fundist í þeirri umræðu gleymast að það er aðeins til ein mælieining á hestafl, það er alveg sama hvar þú ert, hvað þú ert að mæla og hvernig, hestafl er alltaf hestafl..

Það er ekki um marga möguleika að ræða í stillingum á ásnum eða ásunum, annað hvort nokkrar gráður fram eða til baka. Hins vegar er hægt að fá samhengi í þetta ef þú getur breytt kveikjutímanum líka.

Ég efast stórlega um að 4 cyl vél undir 14.7 psi grunnpressu inná manifold nái þessu þar sem þær hafa mun minna power-overlap og gætu ekki kyngt þessu.

Það er samt sem áður allt hægt og er gert.

Væri gaman að heyra nánari og tæknilegri skýringar á þessu.

"nokkrar gráður" er nú oft á tíðum aaansi mikilvægar... þegar knastás snýst 5000 sinnum á mínútu þá getur 1° skipt sköpum. Meira að segja skiptir ventlabil það miklu að of rúmt ventlabil getur stolið nokkrum hestöflum í öflugum vélum

nei, ég notast yfirleit við uppgefin ventlabil frá Morgunblaðinu

Hvernig getur þú fundið út að þetta séu útúrsnúningar af minni hálfu? er ekki í lagi að spyrja hvað menn meina? Ef að ekki er hægt að spyrja út í málefnið án þess að menn fari að snúa út úr eins og með að tala um ventlabil frá Morgunblaðinu? er það þá ekki merki um að menn viti ekki hvað þeir eru að tala um? og eru búnir að vera fullyrða eitthvað sem að þeir hafa annað hvort ekki vit á eða stendst ekki?

Og hvað er með þessar nafnabirtingar?

Það er alltaf gott að koma með persónulegar árásir, mjög málefnalegt.

Hvernig tengist þetta Dynoþræðinum?

Ef að menn eru á annað borð að gefa ráð þá ætti að vera í lagi að spyrja út í þau?

Nafnið kom til vegna þess sem stóð í "Staður" hjá þér... en erum vioð ekki allir slakir??

Því má bæta við að ástæða þess að ég las þennan þráð yfir og ákvað að spyrjast fyrir er að mér finnst þessi hestafla aukning svo mikil við að gráða inn kambása í mótorhjólavél að ég varð að spyrja nánar út í þetta.

Þessi grein er fín og virkilega þörf en væntingar hestafla aukningar er allavega 50% hærri en ég hef áður heyrt.