Eftir mikinn lestur um allt milli himins og jarðar varðandi yfirlýsingu Rudda fór ég að spá hvað við getum raunverulega gert til að koma þessu verkefni af stað.

Nú tilheyri ég ekki Sniglum, Ruddum, HSL, né öðrum klúbbum þó ég eigi racer og þekki þar með ekki nógu vel hvernig þessi samtök/klúbbar starfa í dag.

En ef þessar tölur eru réttar, þ.e.a.s. að um 11.000 manns tilheyri þessum hóp “bifhjólamönnum” er þá ekki grundvöllur til að stofna íþróttafélag, samskonar og Vélhjólaíþróttaklúbburinn VÍK (nema þeir séu tilbúnir að stækka sinn), sem stendur að því að afla tekna svo hægt sé að byggja brautir og æfingasvæði fyrir bifhjólamenn af öllum stærðum og gerðum?

Árið 2004 voru skráðir 69.153 íþróttaiðkendur innan ÍSÍ, og þar af er fjölmennasta félagið TBR með 3.889 iðkendur og í þriðja sæti er Golfklúbbur Rvíkur með 2.310 iðkendur. (Sjá http://www.isi.is/iw_cac...T%F6lfr%E6%F0i_2004.pdf)
Þarna má sjá að augljóslega er grundvöllur fyrir stofnum slíks félags.

Eftir því sem ég hef séð, þá vinnur VVÍK gott starf til að þrýsta á að æfingasvæði séu sett upp fyrir torfæruhjólin. Skv. vefnum þeirra, eru nú þegar brautir á 11 stöðum á landinu.

Hvers vegna ættu götuhjólamenn/konur ekki að geta gert það sama?

Ef ég gef mér að slíkt félag yrði stofnað og tekið inn í ÍSÍ, er strax kominn grundvöllur fyrir þrýstingi á Ríkið og sveitarfélög, auðveldara aðgengi að fyrirtækjastyrkjum svo ótalið sé ýmislegt eins og félagsgjöld sem nýtt gætu verið í byggingu þessara svæða. Ótalið er þá samstarf við önnur akstursíþróttafélög, umferðarstofu og aðra sem gætu haft gagn af slíkum svæðum.

Til þess að dæmið gangi upp, þurfa allir sem að málinu koma að slíðra þessi ímynduðu sverð sem virðast vera á lofti milli klúbbanna og Snigla og vinna saman. Safna þyrfti saman röggsömum hóp fólks til að stýra þessu félagi sem að mínu mati ætti að vera stýrt nákvæmlega eins og öðrum íþróttafélögum.

Hvað finnst ykkur, er þetta ómögulegt?

Ég gæti vel hugsað mér að starfa fyrir slík samtök og ég er líka nokkuð viss um að maðurinn minn væri líka til í það.

Hinsvegar verð ég að viðurkenna að þetta rugl í kringum Snigla o.fl. hefur alveg fælt mann frá því að setja sig í samband við nokkurn annan hjólamann/konu... enda held ég að enginn viti hver við erum.

Já þetta er snúið en ég held að við verðum að byrja á okkur sjálfum.Hugmynd: við borgum öll bifreyðagjöld af bílunum okkar en ekki af mótórhjólum. kanski væri málið að allir eigendur mótórhjóla, og þá meina ég allir mindu stofna sjóð og borga í hann 5000 krónur á ári fyrir hvert hjól sem þeir eiga,(ansi margir 5000 kallar)en samt lítið fyrir hvern og einn.Þessi peningur myndi vera settur inn á reykkning fyrsta árið og látin ávaxta sig.Annað árið gæti verið hægt að starta framkvæmdum við nýa braut og mannvirki henni tengd. og þegar yfirvöld sæju að við erum að gera eitthvað í málunum sjálf myndu þau kanski á einhvern hátt geta aðstoðað með landsvæði eða annað.En fyrsta skrefið er að finna trúverðuga forsvarsmenn. Þótt umræðan hér sé þörf tel ég að hún hafi farið á stað á óþægilegan máta.

Annars bara hugmynd
Kveðja Baddi