Eftir að Snigla-spjallið lokaði þá ákvað ég að skrá mig hér hjá ykkur. Þessi klúbbur er kannski meira "Race" heldur en "Cruiser" en einhverstaðar verða vondir að vera.
Ég heiti Hörður og er 28 ára Hafnfirðingur. Ég tók prófið núna í sumar og keypti mitt fyrsta hjól einnig í sumar (reyndar áður en ég fékk prófið).
Ég fékk mér 2003 árg. af Hondu Shadow American Classic Edition VT1100C2 (A.C.E., Sabre).
Núna stendur hjólið niðri í bílskúr allt í pörtum því ég er að taka það vel í gegn á meðan ekki er færð til að hjóla.
Það sem ég er aðalega að gera er að þrífa það almennilega og gera við smárispur, ryðbletti og því um líkt. Þar sem maður hefur NÓGAN tíma þá þríf ég alla skrúfganga sem ég losa og smyr allar skrúfur. (Já mér á til að leiðast stundum).
En ég er einnig að bæta við töskum:
Ég reif líka alla body-hluti af hjólinu og ætla annaðhvort að massa þá vel upp eða leita eftir góðum díl á að sprauta þá í einhverjum aðeins líflegri lit. Hjólið er nefnilega með mjög "flötum" svörtum lit. Langar í einhverskonar "metallic" lit, t.d. mjög dökkbláan eða jafnvel rauðan. Ég þekki einhverja sem gætu reddað því fyrir mig en ykkur er auðvitað velkomið að mæla með einhverjum ódýrum og góðum.
Svona í gamni þá tók ég hljóðkútana af hjólinu og setti litla stúta sem ég fann ódýrt í N1 uppi á Höfða.
Það er reyndar alveg á mörkunum að maður þori að keyra hjólið svona því hávaðinn er rosalegur og hjólið er farið að spúa eldi......
Því miður er soldið erfitt að ná eldinum almennilega á mynd en ég náði þó einhverju á myndband.
http://www.youtube.com/watch?v=6IG2UVZBiJY
Reyndar kemur þónokkuð meiri eldur en sést þarna.
En ég held að þetta ætti að nægja sem fyrsta kynning. Segið mér nú hvað ykkur finnst.........
Honda Shadow A.C.E. VT1100C2