Ég átti auðvitað bæði 450 og 525 fyrir, þannig að ég hafði ágætis samanburð. Ég var orðinn frekar leiður á þeim og mig langaði í eitthvað stærra. Þessi slóðaakstur sem ég er í krefst fleiri hestafla eftir því sem belgurinn á manni stækkar. Þetta var orðinn svona skellinöðrufílingur. Eftir að ég fékk mér 990 þá breyttist allt. Ég er alltaf með rörið í botni á þessum "litlu hjólum" . Það var því erifitt val að taka "aftur bara 510cc hjól" (530 er bara 510cc). Ég var eiginlega búinn að ákveða að taka frekar 550 Berg eða jafnvel 650. Síðan kom upp að KTM er að koma með nýtt 650cc hjól sem heitir reyndar 690 (eins fáranlegt og það er nú). Ég fór því í marga hringi með það hvað ég ætti eiginlega að gera. Á endanum ákvað ég að skella mér á þetta og skipta þá bara frekar í vetur þegar 690 kemur. Ég varð hinsvegar verulega hissa þegar ég prófaði það fyrst. Það höndlar eins og 450 en er með top end power eins og 550 Bergur. Ég held að ástæðan sé kveikjukúrvan og uppsetningin á mótornum. Það er máttlaust á lágum snúning og það gerir manni auðveldara fyrir í brölti og beygjum (það ýtir manni ekki í gegnum beygjurnar eins og stóru hjólin gera). Síðan vaknar það á miðju powerbandinu og þrælvirkar á snúning. Síðan er bodyið mjög mjótt og manni líður því ekki eins og á stóru endurohjóli. Ég er búinn að prófa ýmislegt í gegnum tíðina en ég bjóst ekki við að þeim tækist að gera þetta. Þetta er eiginlega alveg ný kynslóð af hjólum. Ég á hinsvegar ennþá fyrsta eintakið af 690 pantað hjá Kalla og ég ætla alveg örugglega að taka það. Það hjól fær mjög góða umfjöllun og ég hef nú þegar prófað Supermoto útgáfuna og það er alveg ljóst að það er þrælskemmtilegur mótor í því. Það er samt alveg örugglega ekki eins meðfærilegt í þessum þröngu slóðum sem ég keyri mikið. Held það sé meira svona Dómadals á 170 km/klst, blindhæð og beygja græja. Nei sorry við keyrum aldrei svo hratt á fjöllum.... Jæja nú held ég að ég sé búinn að lofsyngja þessa járnahrúgu nóg.
Sorry Rúnar, þetta átti víst að vera pistill um nýja hjólið þitt. En ég stal honum óvart.
