Mig langar með grein þessari að fjalla um mál bifhjólamanna í íslensku þjóðfélagi, velta upp nokkrum vangaveltum og skoða stöðu bifhjóla á vegum landsins ásamt því að skoða nokkur atriði sem snúa beint að bifhjólafólki.

Ég verð að byrja á að skrifa um eitt það alundarlegasta mál sem er í gangi hér á Íslandi og hefur verið það í allnokkurn tíma, en það er álit almennings á bifhjólafólki.
Af einhverjum óskiljanlegum ástæðum er oft litið á bifhjólafólk sem vandræðagemsa, glæpamenn, hraðafíkla og jafnvel harðsvíraða glæpamenn. Einnig er sú meinloka í íslenskri þjóðarsál að bifhjólafólk sé einn af fáum hópum þar sem hópurinn er látinn blæða fyrir einstaklinginn. Af hverju þetta er veit ég ekki. Ef bifhjólamaður ekur of hratt er viðurlagið hjá almenning "þetta bifhjólafólk er brjálað". Ef ökumaður bifreiðar ekur of hratt eru hinsvegar allir ökumenn bifreiða á Íslandi ekki dæmdir sem hópur eins og raunin er með bifhjólafólk.

Það er kannski ekki úr vegi að upplýsa þá sem það ekki vita, að þegar þú kaupir þér bifhjól á Íslandi, þá gengur þú ekki sjálfkrafa í neinn hóp, klúbb eða samtök, ekki frekar en þegar þú kaupi þér bíl. Þú ert ekki sjálfkrafa gerður persónulega ábyrgur fyrir gerðum allra annarra bifhjólamanna þó þú eigir sjálfur bifhjól. Afsalið sem þú skrifar undir þegar þú kaupir bifhjólið er alveg eins og afsalið sem þú skrifar undir þegar þú kaupir þér bifreið, það er ekkert smátt letur sem skuldbindur þig til að ábyrgjast, fordæma eða styðja aðgerðir annarra bifhjólamanna hvorki á Íslandi né í öðrum löndum, bara svo þetta sé á hreinu.

Nú, og undanfarin ár hefur verið mikið átak hjá lögregluembættum landsins til að sporna gegn hraðakstri, fjölmiðlar hafa farið hamförum, miklu fé hefur verið veitt til lögreglunnar til tækjakaupa og lögreglan hefur verið í akkorði að dæla fréttum til fjölmiðla landsins þegar vel ber í veiði. Að sjálfsögðu er það gott og blessað, mikill hraði getur drepið, það væri fásinna að halda öðru fram. Það sem ég aftur á móti á erfitt með að sætta mig við eru aðferðirnar, nú fyrir stuttu hækkaði Sturla Böðvarsson sektir við umferðarlagabrotum stórlega og verður að teljast að ástæða hækkunar sekta hljóti að hafa verið í þeirri von að umferðarlagabrotum myndi fækka, og kannski er best að vitna beint í Sturlu þegar hanns segir "En hertum reglum í umferðinni þurfa að fylgja aukin viðurlög. Tryggja verður að sektir séu við hæfi til þess að letja ökumenn þess að brjóta lögin." hins vegar segir svo Sturla síðar að "Fjöldi sektarboða er ekki aðalatriðið. Lykilatriðið er að vegna hins öfluga eftirlits og vegna þess að lögreglan á Blönduósi er sýnileg vegfarendum þá hefur tekist að hafa stjórn á umferðarhraðanum og draga úr slysum. Það er kjarni málsins".
Jah, nú spyr maður sig? Hvort er þá betra? Auknar refsingar eða forvarnir? Ég er ekki beinlínis farinn að sjá neina stórkostlega fækkun á hraðaksturstilfellum hér á Íslandi eftir þennan refsingarauka Sturlu.

Að mínu áliti er fáránlegt að eyða dýrmætum tíma lögreglumanna í að lúra úti í hrauni, með slökkt ljósin og bíða eftir að einhver komi á 110 km hraða, víst er það í strangasta skilning glæpur að aka á 110km hraða þar sem er 90km hámarkshraði, en eru þessum tveim lögreglumönnum ásamt dýrri bifreið og búnaði ekki betur komið við alvarlegri mál? Samkvæmt tölum lögreglunnar eru framin næstum 6 innbrot á heimili eða fyrirtæki á hverjum einasta degi á Íslandi, tjón einstaklinga og fyrirtækja nema milljónum, og sennilega hundruðum milljóna á ári, hvenær sást þú síðast lögreglubifreið aka eftir götunni þinni að kvöldi til? Nú eða að degi til?

Það eru til mun einfaldari og ódýrari aðferðir til að sporna við hraðakstri, en það eru hraðamyndavélar. Það þarf ekkert að útskýra virkni þeirra hér, en það má geta þess að lögreglan í Bretlandi hefur stóraukið notkun hraðamyndavéla í Bretlandi með frábærum árangri, hraðakstur á vegum þar sem mikilvægt er að hann sé ekki stundaður, s.s. við skóla, íbúðahverfi osfrv. hefur snarminnkað. Samkvæmt gögnum frá Breska ríkinu hefur slysum þar sem hraðamyndavélum hefur verið komið fyrir fækkað um allt að 45% í 2 kílómetra radíus í kringum hraðamyndavélina.

Hér er óþýddur og óbreyttur texti úr skýrslu bretana:
"As this review of research evidence indicates, excessive and inappropriate speed is a major contributing factor to
road crashes and casualties. A comprehensive approach to speed management remains central to the continuing
drive to reduce death and injury on our roads. Speed cameras have proven to be an extremely successful
element of an integrated speed management strategy, and studies have consistently shown that deaths and
serious injuries have been reduced by over a third at speed camera sites. In this context, it is important to
dispel some of the myths about cameras. Rather than ‘punishing motorists’, speed cameras may instead save
the lives of motorists and other road users.
Parliamentary Advisory Council on Transport Safety"

Það er ágætt í lokin að athuga muninn á hraðakstri og ofsaakstri, þessi tvö hugtök eru ekki þau sömu í mínum huga, hraðakstur er 130km hraði á Reykjanesbrautinni, ofsaakstur er 230km hraði á Reykjanesbrautinni, ég get með engu móti litið það alvarlegum augum ef einhver ekur á Reykjanesbrautinni á 130km hraða um miðja nótt, í þurru veðri og engri umferð, ég get samt ómögulega réttlætt það að aka á 130km hraða eftir Sæbrautinni um miðjan dag, eða í raun hvenær sólarhrings sem er.

Atli Már Jóhannsson Ruddar.

Það er til ágætis lýsing á svona vinnubrögðum.

"Það er brotinn gluggi í skartgripaverslun, lögreglan felur sig til að sjá hverjir freistast til að teygja hendina inn og grípa þá, í stað þess að standa vörð um verslunina".

Ég veit ekki betur en það sé ólöglegt að liggja í leyni.. en hvað veit maður svo sem?

takk fyrir svarið Ronni, ég persónulega er sammála mörgu sem þú skrifar en samt ekki öllu,, ég ætla mér ekki að setja mig í dómarasæti yfir fullorðnu fólki og segja þeim hvað má og hvað má ekki gera, það er ekki í mínum verkahring og er ekki mitt að gera.
Við sem bifhjolafólk berum enga ábyrgð á hópnum, aðeins okkur sjálfum, gott dæmi er ef þú ert t.d. að keyra með 2 öðrum bifhjólamönnum segjum t.d. norður á akrueyri, og einn úr hópnum er að elta þig á 90km hraða, nær ekki beygju, fer útaf of deyr.. ert þú þá ábyrgur?

Við erum nokkrir sem höfum oft keyrt saman og höfum rætt þetta mál, maður er oft að kíkja í spegilinn og athuga hvort allir séu nú örugglega ekki með ennþá, þetta er rugl, við berum ábyrgð á okkur sjálfum, ekki hópnum. Að sjálfsögðu er manni ekki sama, ég er ekki að segja það, en við getum með engu móti verið að bera ábyrgð á öðrum einstaklingum og hvað þeir gera.

Ég er engann veginn að draga nokkurn til ábyrgðar vegna annara. Þá hefur þú misskilið mig. Ég er hinsvegar að biðla til þess að menn ræði við félaga sína á ef ótaktísk hegðun er í gangi. Þetta er bara common sense sem er verið að biðla til. Þú átt ekki að fara að leika löggu, bara að ræða við félagana á góðu nótunum. Óþarft að taka einhverjar rimmur og gera stórmál úr hlutunum.

Ég nefni sem dæmi þegar hjálmaskyldan var sett á. Menn voru ekkert alveg að kyngja þessu til að byrja með og héldu áfram að aka hjálmlausir sumir hverjir. Með samstilltu átaki mótorhjólafólks, þar sem menn commenteruðu á það ef menn hjóluðu hjálmlausir þá var þessu útrýmt. Það dettur engum í hug að hjóla hjálmlaus í dag eða ????

Ef það hefði enginn skipt sér af öðrum og menn hefðu bara haldið áfram að dissa tukta með þetta, þá væri líklega stór hluti hjólamanna enn þann dag í dag að hjóla hjálmlaus. Þú þarft ekki að fara nema til suður evrópu til þess að sjá þá hegðun. Það er allsstaðar skylda að vera með hjálm á hjóli innan EB en samt er nánast enginn með hjálm á hjóli í Suður evrópu.

Það langar engann okkar að standa í útistöðum við tukta og að vera úthrópaðir í fjölmiðlum. Ef við viljum bæta hjólamenningu á Íslandi þá gerum við það eingöngu í gegnum grasrótina innan frá. Ef ef hugsunin er sú í okkar hóp að við höfum ekki áhuga á að bæta almenningsálitið og gera eitthvað í þessu þá mun lítið breytast. Við getum ekki endlaust bent bara á aðra og kennt öðrum um..... hvað það sé óréttlátt að við höfum ekki aðgang að braut, hvað tukti sé leiðinlegur við okkur, hvað almenningsálitið sé ömurlegt o.s.frv.

Þetta er algerlega í okkar eigin höndum hvernig við viljum hafa þetta. Og við gerum það best með því að tala saman og tjá okkur þegar einhver fremur heimskupör. Ekki láta eins og það komi okkur ekki við af því við berum bara ábyrgð á sjálfum okkur.

Þetta er kannski ekki skemmtilegt en engu að síður nauðsynlegt og vittu til, áður en þú veist af þá breytist allt og enginn getur hugsað sér að fara aftur í gamla farið. Þetta er það sem menn kalla bætt "umferðarmenning".

ok

[quote=gulag]alltaf gaman að lesa þessi flóknu og útpældu svör frá Hayabusa.. ;