Hafa menn reynslu af sjálfvirkri keðjusmurningu? Louis.de býður svona græju, Scottoiler, virkar með undirþrýstingi sem skapast af snúningi keðjutannhjóls. Stillanlegur dropi, 0-2 dr/mín. Aldrei meiri keðjusmur og sjaldnar sem þarf að herða keðju. Auka 2,7 hestöfl . Kostar um 100 evrur sem ætti að gera um 27 þús hingað komið með gjöldum. Ef menn eru slakir í þýsku þá má prófa að láta Google translate þýða upplýsingarnar á síðunni yfir á ensku (ekki íslensku, bara bull).

Það var ekki rétt hjá mér að undirþrýstingurinn skapist með snúningi keðjutannhjóls, undirþrýstingur (lofttæmi, vakúm) er notaður með tengingu við mótor. Vakúmið opnar ventil og síðan sér þyngdarkrafturinn um um koma olíunni niður. Slangan þarf ekki að vera inni í keðjunni, rétt við hliðina á henni, síðan sjá hárpípukraftar um að koma henni yfir og miðflóttaaflið um að dreifa niður. 1 dropi á 2 mín býr ekki til poll á ljósum en ef menn eru með hjólið í hægagangi lengi þá má vera að pollur komi, það fer eftir því hvort hægagangurinn býr til nóg vakúm til að halda ventlinum opnum. Þegar drepið er á mótor þá lokast ventill. Scottoil er með tvö mismunandi kerfi, eSystem sem er rafstýrt og vSystem, sem ég er að benda á og er ekki rafstýrt. Scottoil meinar að þetta kerfi lengi líf keðju og tannhjóla allt að 7x og miðað við verð á þessum settum þá getur þessi búnaður verið fljótur að borga sig.