Hvað með Nitró bekkinn?

Vegalaus er rétti maðurinn til að lýsa því fyrir þig.

Vá !! Var það Nitro sem gerðu þessa dýrindis blómapotta úr vélinni hjá Vegalausum ??

Ahh, hjólið mitt er orðið svo gömul framleiðsla að ég fæ varla stimpla né hedd og fleira í það ef bústið er sett langt umfram blönduna.

Hvernig fór þetta mál, fékk Vegalaus ekki allt bætt útaf klúðrinu ??

Nú ?? HVernig má það vera ? Var hann að stilla hjólið sjálfur ??
Please explain. ?
Þekking mín á neytendalögum er ekki mikil , en mér skilst að ef maður fer með ökutæki í stillingu á verkstæði, og vélin bræðir úr sér meðan verið er að stilla hana á verkstæðinu þá sé það verkstæðisins að bæta skaðann ?? Og þá skiptir ekki máli hvort ökutækið sé eitthvað breytt eða moddað, því að ef breytingarnar eru ekki faldar og verkstæðið veit af breytingunum og tekur að sér verkið þá sé verkið komið á ábyrgð verkstæðisins nema um annað sé samið í upphafi ??

ÞEtta er allavega minn skilningur á neytendalögunum.

Valur Vífils neitaði að taki við hjólinu nema Símon tæki fulla ábyrgð á því sjálfur.

Hjólið átti upphaflega að fara í möppun. En þessi möppun varð að alherjar viðgerð og stillingu.

I viðbót held ég geti sagt eftirfarandi:

Fagmenn taka ábyrgð á vinnu.
Fúskarar taka ekki ábyrgð.

Nitro er með samantekt um það sem var gert, en þar vantar minn kostnað vegna varahluta í dyno bekkinn, og minn kostnað vegna skemmda á vélinni í hjólinu.

+1 fyrir þessu

Á móti kemur að ef vinnubrögðum verkstæðisins er um að kenna, þá ætti það að sýna ábyrgð.

Ég get vel skilið ef ég kem með ofurtjúnnað hjól og það brotnar stimpill í átökunum við að kreista út hvert einasta hestafl, eða ef stimpill brotnar, eða það bræðir úr sér.

En ef blandan verður of þunn vegna mistaka stillingaraðila, og það bráðnar stimpill, þá er dynobekkurinn væntanlega tækið sem átti að sýna að blandan er of þunn og á að geta sýnt þegar svo er, svo það þurfi ekki að kosta mótor meðan verið er að stilla.

Ef enginn er að fylgjast með mælingum dynobekkjarins og stimpillinn bráðnar vegna of þunnrar blöndu, þá finnst mér það vera tjón sem leggst á verkstæðið.

Allavega þangað til það er stórt skilti við innganginn sem á stendur:

HÉR ER ENGIN ÁBYRGÐ TEKIN Á EINU EÐA NEINU, EN VIÐ RUKKUM SAMT EINS OG FAGMENN.

Takk fyrir þessar upplýsingar. Þarna kemur skýrt fram að tæknimenn Nitro hefðu átt að fylgjast með AIR/FUEL kúrfunni og vita það að með nýrri reim sem ekki snuðar þá eykst búst og þá þarf að stilla gegn því ÁÐUR en allt er sett á fullt. Segir þetta ekki alveg svart á hvítu að Nitro ber ábyrgð á þessu tjóni? Ég sé ekki betur. Takk fyrir þessar þörfu upplýsingar Diddi. Þetta er þá alveg komið á hreint.

Sælir

Það er nú ekki hægt að láta eiganda taka á sig hvaða tjón sem er.
Það er nú númer 1.2.3...að fylgjast með Hita og líka Air/fuel og
skoða air/fuelið eftir hvert run sérstaklega eftir stórar tjúnningar.
Miðað við myndirnar sem ég sá af mótornum hjá Vegalausum þá held ég
að það hafi þurft meira en 1 run til að gera hann svona.Mjög leiðinlegt að sjá hjólið svona,hefði verið skemmtilegra að sjá virknina í því...

Kv.Diddi

Maður skilur fullkomnlega að þú sért ósáttur ef þetta er eins og þú lýsir.

En hvaða hp tala var að koma áður en allt fór í steik?

Ef Vegalaus er svo viss í sinni sök að hann eigi að fá tjónið bætt þá á hann endilega að fara lagalegu leiðina og fá það bætt, enda væri það einfaldlega tryggingamál þar sem verkstæðið er tryggt fyrir slíkum tjónum.

En er svo er það alltaf þannig. Það eru tvær hliðar á öllum málum og sú sem hér er sögð ekkert endilega réttari en hin.

Og fyrst að verkstæðið er tryggt fyrir svona óhöppum, eins og Haffmann var að viðurkenna hérna rétt áðan, af hverju borgar Nitro bara ekki skaðann og lætur þar við sitja?? Þetta er ekki góð byrjun á Dyno- mapping ferlinum hjá þeim.
Það verður þá gaman að sjá alla flóruna af blómapottum sem birtast þegar þeir fara að eiga við öll hjólin með Nítró innspytingu sem eru til hérna á klakanum ??

Verður kannski til nýtt Blóma-nitro-Val ??

Ég segi enn og aftur, ég býð frekar í nokkur ár eftir að Unnar komi sínum bekk upp

Þetta er vissulega flókið.

Geti ég sannað að um sök sé að ræða, það er að segja, geti ég SANNAÐ að verkstæðið hafi gert mistök sem urðu hjólinu mínu að bana, þá get ég farið fram á bætur, og það er það sem ég er að vinna í, til þess þarf ég álit sérfróðra, sem treysta sér til að standa við mat sitt ef fer í hart.

Líka þarf að finna kostnað, á ég að rukka til dæmis fyrir að rífa hjólið í sundur og tapað hjólasumar etc?
Eða bara fara frammá að mér verði bættur sá kostnaður sem ég get ekki komist hjá, sem er að kaupa nýtt hedd ( eða notað, 50 spírur ) ?
Reyndar væri ég bara sáttur við það, því ég á stimpil og cylinder, og er ekki að hugsa um gróða eða "ég vill fá allt bætt"...heldur bara að fá kannski að hjóla í enda sumars á hjóli sem er sannarlega það klikkaðasta sem ég hef prófað í lengri tíma.

Þegar ég kom með hjólið á verkstæðið var það þegar orðið verulega spennandi og reif verulega í þegar ég prófaði upptakið.
Samt náðu þeir að draga það úr 155hp uppí 176 hp, og bæta við næstum 20 hp á miðsnúning við það sem fyrir var.
131Nm minnir mig mest, við erum að tala um hayabusu afl í reiser, munar ca 50 kg, og með fullri virðingu, þá er RSVR fallegra en busa, svona séð frá hlið allavega.....

persónulega hef ég verið að hugsa um að láta mappa bjórdósina innan tíðar, og er búinn að fylgjast með því sem í boði er, og að mínu mati held ég að hjólið endi hjá Didda.

just my 5 cents.

Hin hliðin er nokkurra bls skýrsla. En það er ekki í mínum verkahring að birta hana eða tja mig nokkuð um hana. Vegalaus getur hinsvegar birt hana þegar hann fær hana í hendurnar og haldið áfram að rökræða þetta mál við ykkur eða forsvarsmenn verkstæðisins, sem eru nota bene ekki þeir sömu og Nítró.

Ég veit hinsvegar hvað stendur í þessari skýrslu og það nægir mér að segja að það er önnur hlið á þessu máli. Ég veit hvað er rétt og það nægir.
Eins og ég sagði áður, persónulega hefði ég vilja bæta honum allt það tjón sem varð en það eru bara stærri þættir sem hamla því að það sé gert og það eru staðreyndir.

Svo til að svara spurningu þinni með ,,óbreytt hjól" þá eru framleiddir PC, púst og annað fyrir ákveðin hjól, sem er plug and play búnaður, ef þú ert smíða aflgjafa heima í skúr, blower, nítró eða túrbínu sem ekki er ætlaðir sérstaklega fyrir tiltekið hjól eða gerir motorbreytingar svo sem heita ása, hærri þjöppu eða portun þá flokkast það undir mikið breytt eða breytt.

Fyrir hönd Vals Vífilssonar pósta ég hans svar til þeirra sem einhverjar vangaveltur hafa um hvernig þetta verk var unnið og hverjar óskir Vegalaus voru.


Valur Vífilsson skrifar.[/i]
Hér kom til mín skírleikspiltur og var með Aprillia bifhjól sem var búið að setja blásara og Power commander og þurfti að fá gang í tækið.... Okkar fyrstu orðaskifti voru þau að ég sagði honum að ég tæki ekki ábyrgð á hjólinu..(þetta var ekki skriflegt en það var vitni að því spjalli). og jafnframt sagði ég honum að þetta væri föndur sem ég fengi að gera eftir vinnu þegar vel stæði á og tæki því smá tíma...

Hann þessi indælismaður hló við og spurði hvort ég væri barn. (ég er 52.takk fyrir). Hann gerði sér sko fulla grein fyrir því að það væri verið að yfirkeyra hjólið með blásarabúnaðinum og sagði mér að hafa engar áhyggjur af því, hann ætti annan mótor ef með þyrfti.. og hjólið væri búið að vera stopp í eitt ár og einhverjar vikur til eða frá væri ekki heimsendir.

Um þetta leyti bar svo við að bilun varð í bekknum og fór 3-4 dagar í að finna út hvað það var og þegar það kom sagðist viðkomandi hjólamaður geta reddað pörtum og kom með varahlutinn til okkar, ekki að spyrja að hjálpseminni.



Þá var komið að því að prufa gripinn og sjá hvað væri að ergja hann.... ekki hafði fengist almennilegur hægagangur í hjólið áður en það kom.



Blásarasmiðurinn geðgóði hafði sett 2bar MAP sensor úr bíl í hjólið og vegna þess hvað V-2 vé gefur sterkari vacum púlsa heldur en bíll þá var bara ill mögulegt að fá hjólið til að lesa þennan mapsensor(reyndum þrengingar og “jöfnunarkúta” til að róa þetta en allt kom fyrir ekki) og fór ég þá að spyrja hvort aðrir Aprilliu blásaramenn væru að nota þennan sensor þá kom “nei þeir eru allir með original sensorinn” sem hann kom svo með til mín 1-2 dögum síðar og þá var sá sensor kominn í og allt róaðist niður og við gátum farið að ná einhverjum samskiftum við hjólið...



Eftir tvö kvöld (munið þetta var kvölgæluverkefni) var kominn fínn gangur í hjólið og farið að prufa powerið... Hjólið hafði allan tímann verið svo ríkt (sterk bensinblanda) að það var rétt að það gekk. Stór hluti af því var að geðprúði blásarahönnuðrinn hafði tekið úr std. 400 ml spíssana og sett í 600 ml spíssa sem ég vildi meina að væri “”over kill “ en hann taldi að það veitti ekkert af þessu. Fyrir þá sem hafa reynslu af svona möppum er allt mappið í hjólinu í mínus..uppí mínus 30 nema rétt á toppsnúning er það komið nær núlli.

OK. Þegar var farið að snúa uppá “rörið” þoldi hjólið ekki nema viss HÖ og jafnaðist þá út og var einsog það stoppaði á einhverju... Hmm við vorum búnir að ræða sterkari kúplingar sem er vist ekki auðfánlegur hlutur í þetta tæki tjáði eigandinn mér og hafði hann sett skinnur undir gormana til að ná meiri þrýsting og tjáði mér að það væri pottþétt að kúplingin héldi þannig að eitt kvöld fór í að rannsaka hvað gæti annað verið.. spól, þrenging eða eitthvað annað.

Næsta kvöld (nei þessi kvöld voru ekki öll í röð) var kúplingin tekin úr og var þá einsog hún hafi farið nokkrar “kvartmílukeppnir”. Föndraði við það að slípa diskana og mæla vinding. Og finna þykkari skinnur (og laga þær til svo þær pössuðu í bifhjólið. Nei tók ekki viku en bróðurpartinn af því kvöldi

Tekið létt test og ,, allt annað líf

Þegar þarna var komið var búið að taka 12-14 power runn og ég talaði við Hönnuðinn og sagði honum að ég væri ekki ánægður með hljóðið í vélinni það væri einsog það væri eitthvað að.. þá sagði hann mér að Unnar (sem hefur sennilega mesta reynslu af þessari gerð hjóla.) hefði líka sagt að það væri ekki “rétt” hljóð í vélinni. En hann sjálfur, blásarahönnuðurinn hefði skoðað mótorinn, og ekki séð neitt að. (enn var ekkert skriflegt en 3 aðili var viðstaddur)



OK. Annað kvöld, og tekin nokkur “rönn” og byrjað að þynna blönduna í eitthvað “POWER” ég vildi ekki fara með blönduna þynnra en 12,4:1 sem er aðeins powerétandi en “safe” “ Nei” sagði eigandinn “við skulum stefna á 12,6:1 sem gefur meira afl.. Hún þolir það vel”

OK. Þegar hér var komið var niðurstaðan okkar á milli að sennilega væri blásarinn að snúast of mikið því hann framleiddi mjög mikinn hita.. sem er ekki gott fyrir afl eða forkveikingu.. þess má geta að hönnuðurinn hafði látið renna hjól á blásarann sem yfirsnéri honum allnokkuð upp fyrir það sem blásaraframleiðandinn gefur upp. svo eigandinn kom hér inn hjá okkur og tók blásarahjólið úr til að láta renna nýtt 2-3 dögum síðar kom hann og setti nýja hjólið á blásarann og tekin voru nokkur rönn um kvöldið aflið var farið að lofa góðu en ENN var “boostið” ekki stöðugt. Eftir smá rannsóknir reimin snuðar ( Það er smá galli í blásarauppsetningunni að reimin, sem er venjuleg flatreim tekur á blásarahjólinu á bakhliðinni. Þar sem er ekki mikið gúmmí, og engar rifflur sem er undirstaðan fyrir því að svona reim virki) fyrir þegar hér var komið

Kvartaði ég í ÞRIÐJA skifti yfir því að vélin væri ekki á lagi og það væru hljóð í henni sem væru ekki eðlileg... Blásarahjólaeigandinn kom hér daginn eftir og setti í gang gaf nokkrum sinnum (kaldur mótor) sagði að helv. Væri hún orðin frísk og ég væri nú meir “kellingin” “þetta er Aprillia, þær eiga að sánda svona” “þú hefur ekkert vit á Aprillium”

Ok ég gat ekki borið á móti því, HANN vissi þetta, ekki ÉG...

Ég sagðist samt ekki vera sáttur við þetta og brosti hann góðlátlega að þessu “tuði” mínu og skammaði mig fyrir að taka hjólið ekki “alveg uppá útslátt” þegar hann var að skoða útkomublöðin..

Svo tók hann notuðu reimina til að fara að kaupa nýja sem væri kannski betri....

Ég (gegn minni betri vitund) prufaði svo hjólið um kvöldið lét það hitna tók eitt “Blast” og ljótt hljóð..eftir þjöppumælingu 4 bar annar cyl og 9 bar hinn .... þá sendi ég eigandanum SMS (þetta var seint um kvöld og mikið af okkar samskiftum fóru fram á SMS þegar ég var seint á ferð og hann kominn með “koju” svipinn. Flest höfðu þessi SMS verið með afltölum kvöldsins.)

Auðvitað var ég leiður yfir þessu, ég er meira aðsegja leiður þegar ford mótorar fara. Svona “dauðsföll” eru alltaf sorgarviðburðir. En að þetta sé “Mér að kenna” .....

Það eina sem má sakast við mig, var að stoppa ekki þegar Ég vildi, heldur láta mér “FRÓÐARI” Mann sem vissi meira en ég um Aprilliur , kjafta mig til að halda áfram. Og það að reyna að kenna því um að vélin hafi farið því hún hafi þynnst svo herfilega út..(blandan fór úr 12,6 í 12,9: í ca eina og hálfa sek. Þegar nýja reimin bætti 0,1 bar við max boost .)

Þetta var bara síðasta ferðin..... “thats life” Blandan var vel skoðuð eftir hvert einasta runn sem var búið að taka á 2%-4%-6% 10% 20% 40-60-80 % gjöf. Maður er með bæði augun á “blöndulesaranum” þegar eru tekin “rönn” Við vorum alltaf tveir þegar verið var að “keyra” hjólið, til að hafa betur auga með hlutunum. Og þetta var ekkert sem gerðist í “einu rönni eða tveimur”

það er einsgott að mótorhjól verði ekki bensínlaust á fullri gjöf... þá væru vélapartar dreifðir meðfram flestum vegum... og menn teymandi vélalaus hjól um allar trissur.

.

Þessi síðustu test höfðu verið þegar ég var í byggingafríi og ég hafði “stolist” úr byggingunni til að “föndra “ í þessu fyrir Símon “vin minn”

Mér finnst sorglegt að sjá að við (sennilega NÍTRÓ og ég ) vinnum einsog BÍÍÍÍpp og rukkum einsog (ég man ekki hvað)

Því Símon “vinur” minn tók hjólið án þess að tala við kóng eða prest. (ég var í fríi) Með mappi í sem er eftir ca 30 rönn. Skuldar mér prívat og persónulega 20+ lítra af bensíni og ca 30 tíma í vinnu, Hefur ekki borgað krónu fyrir eitt eða neitt (ekki einu sinni húsaleigu) og það sem betra er kallar okkur (nöfnum sem á ekki að viðhafa um “vini sína).Þetta tók nokkur kvöld því það er þónokkur hitamyndun af þessu og heimasmíðaða loftsíuboxið hitnaði alveg helling og þurfti því oft góðann tíma á milli “rönna” Ekki vildi ég skemma hjólið..



Mér dettur í hug byrjunin á myndinni “Worlds fastest Indian” þegar myndavélin rennur yfir brunna stimpla og undir stendur

“Fórnir til hraðaguðsins” það er bara einn öruggur snúningur á vél... Núll.. þegar tekin er vél sem er keyrð 17.000 + km og hefur jafnvel orðið bensínlaus einhverntíma á lífsleiðinni , Settur á hana blásari sem er “ í þróun” og jafnvel gefið í þá er hætta fyrir hendi



Ég var búinn að fá nokkrar aðvaranir um að koma ekki nálægt þessu Aprilliu dæmi, og ég hélt að menn væru að meina hjólinu.... Ekki manninum... þessir sömu menn hafa haft samband og “told you so”



Ég hef trú á að þetta rifjist allt upp fyrir Símoni þegar hann sér þetta hér. Ef ég væri þannig þenkjandi að ég trúði einhverjum leiðindum upp á einhverja þá gæti mann grunað að “það hafi kannski eitthvað verið að vélinni” og það hafi vantað einhvern til að “sponsora” upptekningu á vélinni... þess vegna hafi Símon hvatt mig áfram þó að ég hafi viljað hætta..

Sko ef maður væri þannig þenkjandi, þá gæti mann grunað eitthvað svona... en ég trúi ekki að menn geti verið svo óheiðarlegir.. hvað sem hver segir...



Ég stend hér með útrétta hönd (til sátta og til að taka við gjaldi) og geri ráð fyrir að Símoni renni reiðin. (geri ráð fyrir að hann sé reiður frekar en ógreindur og óheiðarlegur) Geri við vélina, setji minni spíssa, lagi reimabúnaðinn, fái kaldari (turbo) kerti, komi svo til að fínstilla þetta, svo hann geti farið út að borða “BUSUR” sem var jú tilgangurinn með þessu.





Það er hægt að fyrirgefa mönnum smá reiði, sérstaklega ef þeir sjá að sér. (segja jafnvel “sorrý”)



Kær kveðja.

Valur Vífilss. (vélaskelfir)

Mér finnst þessi " ritgerð " frá Val nú ekki vera fjarri þǘi að jaðra við meyðyrði. Og alls ekki sett málefnalega fram.

Þarna kemur líka fram hjá honum að hann hafi tekið " enn eitt rönn" eftir að vegalaus skipti um reim, jafnvel " gegn betri sannfæringu" . Hann segir ekkert um að hann hafi haft vit á því að bæti við blönduna sérstaklega áður en "rönnið var gert eða jafnvel bakkað með allar stillingar í svona "failsafe" eins hann ætti að hafa gert við jafn mikilvægt atriði eins og nýja reim.

Og eins og áður sagði þá er þessi lesning eins og gert sé grín að Vegalausum á hans kostnað og hljómar ferlega afsakandi. Reyndar ef ég væri í sporum Vegalauss að lesa svona um mig þá ég bæta meiðyrðalögfræðingi við flóruna í málssókninni. Ef að Valur ætlaði að vinna við þetta sem eitthvað föndur-nætur-pet-project fyrir vin sinn símon, þá fer hann varla að rukka fyrir þetta. Ég allavega rukka ekki vini mína fyrir pet-project greiða, ég fæ bara greiða á móti. Mikil ólykt af þessari lesningu, Haffmann. Verður fróðlegt að sjá hversu hvernig hún heldur vatni í dómssal.

Staðreyndin er sú, Valur, að þú segist ætla að fá greitt fyrir vinnuna í hjólinu. Þú varst með hjólið á verkstæði Nitro og í tækjabúnaði Nitro. Þú ert sá starfsmaður Nitro sem sér um Dynomælingarnar. HVort þú þurftir að fara í þetta á kvöldin vegna frís á daginn vegna byggingavinnu heima hjá þér hefur ekkert að segja.

Þetta er allavega mín skoðun. Ég mun ekki tjá mig meira um málið.

Hvernig mögulega getur þú tekið svona einhliða afstöðu í máli þar sem aðeins 2 þekkja allar staðreyndir og þú ert ekki annar þeirra ??

Hvor hliðin er réttari en hin ? Hvaða rök liggja á bak við þína afstöðu ? Hefur þú talað við Símon og eða Val um þetta mál ?

Það er eins víst að minni gerðin eigi sinn skammt af sök í þessu máli eins og öldungurinn, hve mikinn hluta veit ég ekki enda ekki kynnt mér málið með öðrum hætti en að lesa þennan þráð.

Hvað varðar "meiðyrði" þá sé ég ekki að það eigi við rök að styðjast - þetta er hans hlið á málinu alveg eins og sýnishornið setti fram sína hlið og það er algjörlega ekki okkar að dæma hvor er réttari miðað við þær upplýsingar sem hér hafa komið fram.

Ekki missa þig "Kollþrykktur" í ákefðinni - við vitum að þú ert byrjaður að hjóla aftur